Trajnime

 

 Ø       Trajnime të zhvilluara nga DPA

 Ø       Plani i trajnimeve të DPA

 Ø       Propozime për trajnime

 

_______________________________________________________________________________________________________________________________________

Trajnime të zhvilluara nga DPA                       [Kreu i faqes]

Tema: Kërkesat e standardit ISO/IEC 17025: 2005 dhe procedurat e Akreditimit

   Qendra e Trajnimeve pranë Drejtorisë e Përgjithshme e Akreditimit (DPA) zhvilloi në datat 1, 2 dhe 3 Korrik 2008 kursin me temë “Kërkesat e standardit ISO/IEC 17025: 2005 dhe procedurat e Akreditimit”.
   Në këtë kurs morrën pjesë rreth 17 persona për çdo grup. Pjesëmarrësit kryesisht ishin persona përgjegjës për implementimin dhe mirëmbajtjen e sistemit të cilësisë në laboratorë, student, si dhe të interesuar për tu trajnuar në këtë fushë
   Objektiv i kursit ishte është njohja me kërkesat e menaxhimit dhe teknike të standardit ISO 17025 , njohja e procedurës së akreditimit si dhe plotësimi i disa prej kërkesave teknike të standardit ISO 17025 në laboratorët analitikë, Lektore ishin përfaqësues të DPA.

Tema: Vlefshmëria e metodës së analizës

   Në datat 7 dhe 10 Korrik 2008 , Qendra e Trajnimit të Drejtorisë së Përgjithshme të Akreditimit organizoi kursin e trajnimit me temë “Vlefshmëria e metodës së analizës”
   Objektiv i kursit ishte njohja e konceptit të vlefshmërisë së metodës dhe kërkesat për evidentimin e saj, mënyrat e përcaktimit të parametrave kryesore të performancës së metodës, procedurat që mund të përdoren për vendosjen e vlefshmërisë së metodës, etj.
   Në këto kurse morrën pjesë rreth 30 persona, kryesisht kimistët analistë dhe përfaqësues nga stafi menaxherial i laboratorit, që janë të përfshirë në procedurat e vendosjes së vlefshmërisë së metodës.

Tema: Vlerësimi i pasigurisë në matjet analitike

   Vlerësimi i pasigurisë në matjet analitike, ishte një tjetër trajnim që u zhvillua nga Qendra e Trajnimeve pranë Drejtorisë e Përgjithshme e Akreditimit (DPA) gjatë muajit Korrik 2008.
   Ky kurs kishte për qëllim njohjen pjesëmarrësve me kuptimin e konceptit të pasigurisë në matjet analitike, evidentimin e burimeve të pasigurisë, klasifikimin e tyre dhe mënyrat e njehsimit të pasigurisë, etj.
   Kursi i zhvillua gjatë datave 8 dhe 11 Korrik dhe morrën pjesë rreth 35 persona, kryesisht kimistët analistë që kanë njohuri të kufizuara në lidhje me pasigurinë e matjes.

Tema: Kontrolli i Cilësisë në Laboratorët Analitike

   Qendra e Trajnimeve pranë Drejtorisë e Përgjithshme e Akreditimit (DPA ) zhvilloi në datat 9 dhe 14 korrik 2008, kursin me temë “ Kontrolli i Cilësisë në Laboratorët Analitike”.
   Objektiv i trajnimit ishte informimi me metodat e kontrollit të brendshëm të cilësisë dhe pjesëmarrjen në testet e kompetencës (PT). Kontrolli i Cilësisë së matjeve, është kusht thelbësor për sigurimin e cilësisë së rezultateve të matjeve dhe besueshmërinë e laboratorit. Vendosja e një sistemi të kontrollit të cilësisë, është kërkesë për akreditimin e laboratorëve sipas Standardit EN ISO/IEC 17025.
   Në këte kurs morrën pjesë rreth 35 persona, kryesisht kimistë analistë, si dhe nga stafi menaxherial i laboratorit që është i përfshirë në procedurat e kontrollit të cilësisë.

Tema: Sistemi i menaxhimit për Organizmat e Vlerësimit të Konformitetit

   Qendra e Trajnimeve pranë Drejtorisë e Përgjithshme e Akreditimit (DPA nisi organizimin e kurseve të trajnimit në fushën e akreditimit. Kursi i parë me temë „Sistemi i menaxhimit për Organizmat e Vlerësimit të Konformitetit”, u zhvillua gjatë muajit Mars- Maj 2008, për 4 grupe me nga 15 pjesëmarrës.
   Ky kurs u ndoq nga persona përgjegjës për implementimin dhe mirëmbajtjen e sistemit të cilësisë në organizmat e vlerësimit të konformitetit, student, dhe cdo interesuar për tu trajnuar në këtë fushë

Objektiv i trajnimit ishte orientimi i OVK-ve që përgatiten për t’u akredituar konform kërkesave e standardeve përkatëse.

Lektore ishte znj. Mimoza Cukalla, Pedagoge ne Fakultetin e Inxhinierisë Mekanike, dhe lektore e çertifikuar nga DGQ (Shoqata Gjermane për Cilësinë , si dhe përfaqësues të DPA.

Tema: Trajnim për standardin ISO 17025: 20005 “ Kërkesa të përgjithshme për kompetencën e laboratorëve të provave dhe të kalibrimeve”

 Drejtoria e Akreditimit në zbatim të Memorandumit të Mirëkuptimit me Drejtorinë e Përgjithshme të Metrologjisë dhe Kalibrimit (DPMK) organizoi në date 11 Prill 2007  kursin e trajnimit me temë “ Akreditimi i laboratorëve të kalibrimit sipas standardit ISO 17025 : 2005 “ Kërkesa të përgjithshme për kompetencën e laboratorëve të provave dhe të kalibrimeve”.

Qëllimi i kursit ishte njohja me ndryshimet e kryera në këtë standard dhe procedurat e akreditimit.

Lektorët ishin përfaqësues të Drejtorisë së Akreditimit (Departamenti i Zhvillimit, Departamenti i Akreditimit). Në këtë kurs morri pjesë personeli i Drejtorisë Përgjithshme të Metrologjisë dhe Kalibrimit përfaqësues nga Insituti i Fizikës Bërthamore.

TEMA: Kërkesat   e përgjithshme për organizmat akreditues  që kryejnë akreditimin e organizmave të vlerësimit  të  Konformitetit.

Drejtoria e Akreditimin me mbështetjen e programit CARDS  2003 ka zhvilluar në datat  11-22 Tetor 2004  kursin e trainimit  për standardin ISO 17011. Qëllimi i këtij kursi ishte  njohja me kërkesat   e përgjithshme për organizmat akreditues  që kryejnë akreditimin e organizmave të vlerësimit  të  Konformitetit.                        

TEMA: Pasiguria në matje gjurmueshmëria dhe përdorimi i materialeve referuese në laboratorët testues.

Me mbështetjen e Projektit Cards 2003 në datat 21-25 Nëntor 2005, Drejtoria e Akreditimit  organizoi seminarin me    teme “Pasiguria në matje gjurmëshmëriua dhe përdorimi i materialeve referuese në laboratorët testues”. Qëllimi i këtij seminari ishte Njohja me konceptet e  Pasigurisë dhe llogarisë në Matje.

TEMA : Kërkesat  EN 45012 lidhur me QMS e Trupave Certifikues.

Në datat 23-25 Janar  2006 , Drejtoria e Akreditimit në bashkëpunim me projektin CARDS 2003  organizoi një seminar me objekt kërkesat  EN 45012 lidhur me QMS e Trupave Certifikues. Në këte seminar morrën pjesë stafi i Drejtorisë së Akreditimit, anëtarë të Bordit të DA, vlerësues dhe  ekspertë.

TEMA: Kërkesa të përgjithshme për funksionimin e tipave të ndryshëm të organizmave  që kryejnë Inspektim.

Me mbështetjen e programit CARDS 2003, Drejtoria e Akreditimit organizoi në data 10-12 korrik 2006,  kursin trajnues në lidhje me standardin ISO 17020, “Kërkesa të përgjithshme për funksionimin e tipave të ndryshëm të organizmave që kryejnë Inspektim”. Njohja me këtë standard i cili përmban funksionet e trupave puna e të cilëve përfshin ekzaminimin e materialeve, produkteve, instalimeve, fabrikave, proceseve procedurave të punës ose shërbimeve dhe përcaktimin e përputhjes së tyre me kërkesat si dhe raportimin e rezultateve të këtyre aktiviteteve te klientët dhe te autoritet mbikqyrëse do t’i ndihmojë këta trupat inspektues që gjatë inspektimit të një produkti të kenë një gjykim më profesional, rezultati e tyre të jenë të besueshëme, për klientët dhe konsumatorët.

LENDA: Testet e zotësisë dhe krahasimet ndërlaboratorike dhe roli i tyre në procesin e akreditimit.

Drejtoria e Akreditimit me mbështetjen e programit CARDS 2003, organizoi në data 17- 19 korrik 2006  një kurs trajnues në lidhje me pjesmarrjen në testet e zotësisë dhe krahasimet ndërlaboratorike. Disa nga temat e trajtuara në këtë kurs nga lektoria rumune Daniela – Eugenia Cucu, ishin: Tipet krahasimeve laboratorike dhe roli i tyre në procesin e  akreditimit,  Testet e Zotësisë (PT) mënyra e organizimit, rëndësia e përdorimit të tyrë nga laboratorët.

TEMA: Kërkesat   e përgjithshme për organizmat që operojnë në sistemet e çertifikimit të produktit

Drejtoria e Akreditimit me mbështetjen e programit CARDS  2003  zhvilloi  në datat  21-23 Mars 2007 ,  kursin e trainimit  për standardin EN 45011 “Kërkesat   e përgjithshme për organizmat që operojnë në sistemet e çertifikimit të produktit”.

Qëllimi i këtij kursi ishte  njohja me kërkesat   e këtij standardi, respektimi i të cilave ju siguron organizmave të çertifikimit, të operojnë si palë të treta në sistemet e certifikimit, në një mënyrë të qëndrueshme dhe të besueshme, duke lehtësuar me anë të kësaj njohjen me bazë kombëtare dhe ndërkombëtare dhe më tej në tregëtinë botërore.

Lektorët ishin përfaqësues te organizmit cek të akreditimit. Në këtë kurs morrën pjesë përfaqësues nga organizmat certifikues, vlerësues, si dhe përfaqësues nga institucione publike, të cilat kanë interes në lidhje për procedurat e akreditimit të organizmave certifikues të produktit.

Tema: Skemat e Akreditimit të sistemeve të menaxhimit të Mjedisit.

 Drejtoria e Akreditimit me mbështetjen e TAIEX-it ( Projekt i Komisionit Europian për asistence teknike dhe shkëmbim informacioni) zhvilloi në datë 23 Mars  2007 një work shop me temë “ Skemat e Akreditimit të sistemeve të Menaxhimit të Mjedisit.”

Objektivi i këtij workshopi, ishte njohja e stafit të Drejtorisë së Akreditimit, organizmave çertifikues, komunitetit të biznesit me standardet dhe procedurat, që kanë lidhje me Sistemet e Menaxhimit të Mjedisit.

Në këtë workshop ku lektorët që referuan, ishin përfaqësuar të UKAS ( Organizimit anglez të akreditimit ) morrën pjesë përfaqësues nga Institucione  publike dhe private, vlerësues dhe ekspertë, të cilët kanë interesa direkte për tu trajnuar në këtë fushë.

_______________________________________________________________________________________________________________________________________

Plani i trajnimeve të DPA                       [Kreu i faqes]

Drejtoria e Përgjithshme e Akreditimit (DPA) do të organizojë gjatë muajit Korrik 2008 kurse trajnimi me temat e mëposhtme :

Nr	Tema Kursit	Data
1	Kërkesat e standardit ISO/IEC 17025: 2005 dhe procedurat e Akreditimit	01 Korrik 2008 02 Korrik 2008
2	Vlefshmëria e metodave analitike	07 Korrik 2008 10 korrik 2008
3	Vlerësimi i pasigurisë në matjet analitike	8 Korrik 2008 11 Korrik 2008
4	Kontrolli i Cilësisë në laboratorët analitike	9 Korrik 2008 14 Korrik 2008

Këto kurse janë një ditore. Objektiv është njohja me kërkesat e menaxhimit dhe teknike të standardit ISO 17025 , njohja e procedurës së akreditimit si dhe plotësimi i disa prej kërkesave teknike të standardit ISO 17025 në laboratorët analitikë.

Këtë kurs mund ta ndjekin personat përgjegjës për implementimin dhe mirëmbajtjen e sistemit të cilësisë në organizmat e vlerësimit të konformitetit, por dhe cdo interesuar për tu trajnuar në këtë fushë.

Mirëpresim konfirmimin tuaj për pjesëmarrje dhe sugjerime për tema, të cilat janë të dobishme për ju.

Bashkëlidhur gjeni programin e kurseve dhe tarifat përkatëse.

• Programi i Kursit
• Tarifat e trajnimit

Të gjithë të interesuarit do të plotësojnë formularin e rregjistrimit për kursin përkatës.

   ·    Formular për rregjistrimin Online

_______________________________________________________________________________________________________________________________________

Propozime për trajnime                      [Kreu i faqes] 

         Drejtoria e Pergjithshme e Akreditimit fton të gjithë Organizmat e Vlerësimit të Konformitetit apo individë të interesuar për kurse, trajnime të na shkruajnë dhe të na sugjerojnë rreth kurseve të trajnimit për të cilat ata kanë nevojë.

 

                                   Tel                               042 2 362 566

                                   Fax                              042 2 340 364

                                   E-mail                         info@albanianaccreditation.gov.al

 

 

          Ju lutemi plotësoni formularin bashkëlidhur.    [Formular]